കുറ്റ്യാടി: കോഴിക്കോട് ജില്ലയിലെ താലൂക്ക് ആശുപത്രികളിൽ ആദ്യമായി പൂർണ്ണമായ ജനറൽ അനസ്തേഷ്യ നൽകി പീഡിയാട്രിക് സർജറി ചെയ്ത് ചരിത്രത്തിൽ ഇടംനേടിയിരിക്കുകയാണ് കുറ്റ്യാടി താലൂക്ക് ആശുപത്രി സർജറി വിഭാഗം.
4 വയസുകാരന് വൃഷ്ണ സഞ്ചിക്കടുത്ത് ജൻമ്മനാ ഉണ്ടായിരുന്ന മുഴയാണ് സർജറിയിലൂടെ നീക്കം ചെയ്തത്. പീഡിയാട്രിക്ക് സർജൻ ഡോ: സന്തോഷ് കുമാറിന്റെ നേതൃത്വത്തിൽ സർജറി ചീഫ് ഡോ:പി.കെ.ഷാജഹാൻ, അനസ്തേഷ്യ ചീഫ് ഡോ:പ്രജിത്ത്, ഡോ:അനുഷ, ഡോ:അമിത്ത് എന്നിവർ ചേർന്നാണ് സർജറി വിജയകരമായി പൂർത്തീകരിച്ചത്.
ഹെഡ്നേഴ്സ് അംബിക, നേഴ്സുമാരായ സന്ധ്യ,ഷിജി, നേഴ്സിങ് അസിസ്റ്റന്റുമാരായ ശശീന്ദ്രൻ,വിഷ്ണു എന്നിവരാണ് സഹായികളായ് പ്രവർത്തിച്ചത്.
Pediatric Surgery at Kuttyadi Taluk Hospital
