കുറ്റ്യാടി: (kuttiadinews.in) കാവിലുംപാറയിലെ പൂതംപാറ -ചൂരണി -പക്രംതളം റോഡ് അവഗണനയിൽ. 1990ൽ എട്ടു മീറ്റർ വീതിയിൽ നിലവിലുള്ള കുറ്റ്യാടി -പക്രംതളം ചുരം റോഡിനു ബദലായി പൊതുമരാമത്ത് വകുപ്പ് നിർമിച്ച റോഡ് പതിറ്റാണ്ടുകളായി അവഗണനയിലാണ്.
മൂന്നു സ്വകാര്യ ബസുകളും കെ.എസ്.ആർ.ടി.സി ബസുകളും ഓടിയിരുന്ന റോഡിലൂടെ വർഷങ്ങളായി ബസുകളൊന്നും ഓടുന്നില്ല. ആറര കിലോമീറ്ററാണ് ഇതിൻ്റെ ദൂരം. ചുരമില്ലാതെ വയനാട്ടിലെത്താവുന്ന ഏക പാതയാണിത്.
നിരവധി കുടുംബങ്ങൾ ഈ റോഡ് കടന്നുപോകുന്ന ഭാഗങ്ങളിൽ താമസിച്ചിരുന്നു. ഇന്ന് യാത്രാദുരിതം കാരണം പലരും മലയിറങ്ങി പോയി. നവകേരള സദസ്സിൽ റോഡ് നവീകരണം ആവശ്യപ്പെട്ട് നിവേദനം നൽകിയിട്ടുണ്ട്.
#Puthampara #Churani #Pakramthalam #road #Kavilumpara #neglected
