കായക്കൊടി: (vatakaranews.in) കായക്കൊടി ദേവർ കോവിൽ കനാൽ റോഡ് ഇനി നാടിന് സ്വന്തം. കായക്കൊടി പഞ്ചായത്തിലെ ആറാം വാർഡിലാണ് ദേവർകോവിൽ കനാൽ റോഡ്. ഇവിടെ, കനാൽ റോഡ് യാഥാർത്ഥ്യമാകുന്നതോടെ, പതിറ്റാണ്ടുകളായി നാട്ടുകാർ അനുഭവിച്ച ദുരിത യാത്രക്കാണ് അറുതിയാവുന്നത്.
ഇവിടുത്തെ യാത്രാദുരിതം ചൂണ്ടികാണിച്ച് നാട്ടുകാർ മുട്ടാത്ത വാതിലുകളില്ല. ഒടുവിൽ, വിഷയം കെ. മുരളീധരൻ എം.പിയുടെ ശ്രദ്ധയിൽപ്പെട്ടതോടെ എല്ലാ തടസങ്ങളും വഴിമാറുകയായിരുന്നു. 500 മീറ്ററുള്ള ഈ റോഡ് നിർമ്മാണത്തിന് 24 ലക്ഷം രൂപയാണ് എം. പി ഫണ്ടിൽ നിന്നും അനുവദിച്ചത്. പുതിയ റോഡ് കെ. മുരളീധരൻ എം.പി ഉദ്ഘാടനം ചെയ്തു.
റോഡ് ഉദ്ഘാടനം നാടിന്റെ ഉത്സവമായി മാറി. കായക്കൊടി പഞ്ചായത്ത് പ്രസിഡൻറ് ഒ.പി. ഷിജിൽ അധ്യക്ഷതവഹിച്ചു. വാർഡ് മെമ്പർ കെ.കെ. അഷ്റഫ് സ്വാഗതം പറഞ്ഞു. കൊരങ്ങോട്ട് ജമാൽ, കെ. പി. കുഞ്ഞമ്മദ്, ഒ.പി. മേനാജ്, കെ.പി. ബിജു, വി.കെ. ശ്രീജിത്ത്, സി.എച്ച്. നാസർ, ഒ. രവീന്ദ്രൻ, ഹാരിസ് മാസ്റ്റർ, ബഷീർ മാസ്റ്റർ എന്നിവർ ആശംസകളർപ്പിച്ച് സംസാരിച്ചു. കുഞ്ഞാലി ഹാജി നന്ദി പറഞ്ഞു.
#miserable #journey #Kayakodi #DevarKovil #Canal #Road #now #belongs #nation
