കുറ്റ്യാടി : (kuttiadinews.com) വീട്ടുമുറ്റത്ത് കളിച്ചുകൊണ്ടിരുന്ന മൂന്നുവയസ്സുകാരന്റെ സ്വർണമാല കവർന്ന കേസിൽ പ്രതി പിടിയിൽ. കൊയിലാണ്ടി പാറമ്മൽ ബഷീറിനെ(52)യാണ് താമരശ്ശേരിയിൽനിന്ന് പോലീസ് പിടികൂടിയത്.
എസ്.ഐ. സദാനന്ദന്റെ നേതൃത്വത്തിലുള്ള സംഘമാണ് ഇയാളെ പിടികൂടിയത്. മറ്റ് കേസുകളിലും ഇയാൾ പ്രതിയാണെന്ന് പോലീസ് പറഞ്ഞു. കഴിഞ്ഞ വെള്ളിയാഴ്ചയാണ് കുളത്തരത്താഴ-ഓത്യോട്ട് റോഡിൽ പൊട്ടക്കാവിൽ ഷംനാസിന്റെ കുട്ടിയുടെ ഒരുപവൻ തൂക്കമുള്ള മാല സ്കൂട്ടറിലെത്തിയ പ്രതി കവർന്നത്.
മോഷണത്തിനുശേഷം പ്രതി കടന്നുകളയുന്നത് പരിസരവാസി കണ്ടിരുന്നു. മോഷ്ടാവ് പോകുന്നത് സമീപത്തെ സി.സി.ടി.വി. ദൃശ്യങ്ങളിൽ പതിയുകയും ചെയ്തിരുന്നു. വാഹനത്തിന്റെ നമ്പർ വ്യക്തമായിരുന്നില്ല. തുടർന്ന് വീട്ടുകാർ പോലീസിൽ പരാതിനൽകുകയായിരുന്നു.
#Accused #Arrested #Stealing #Three-Year-Old Boy's #GoldChain #Kuttiadi
