മൊകേരി:(kuttiadi.truevisionnews.com)സ്വാതന്ത്യസമര സേനാനിയും പ്രമുഖ കമ്മ്യൂണിസ്റ്റ് നേതാവുമായിരുന്ന പി.കേളപ്പൻ നായരുടെ മുപ്പത്തിരണ്ടാം ചരമ വാർഷികദിനം വിവിധ പരിപാടികളോടെ ആഗസ്റ്റ് ഒന്ന്, നാല് തിയ്യതികളിൽ മൊകേരിയിൽ നടക്കും.
ആഗസ്റ്റ് 1 ന് രാവിലെ 7 മണിക്ക് പ്രഭാതഭേരി, പതാക ഉയർത്തൽ, പുഷ്‌പാർച്ചന എന്നിവ നടക്കും.
പരിപാടിയിൽ സി.പി.ഐ ജില്ലാ സെക്രട്ടറി കെ.കെ ബാലൻ പങ്കെടുക്കും.
ആഗസ്റ്റ് 4ന് ഉച്ചയ്ക്ക് 2 മണിക്ക് കുന്നുമ്മൽ ലോക്കൽ കുടുംബ സംഗമം നടക്കും.
സി.പി.ഐ സംസ്ഥാന എക്‌സിക്യൂട്ടിവ് അംഗവും ഹൗസിങ്ങ് ബോർഡ് ചെയർമാനുമായ ടി.വി ബാലൻ ചടങ്ങ് ഉദ്ഘാടനം ചെയ്യും.
ജില്ലാ പഞ്ചായത്ത് വൈസ് പ്രസിഡന്റ്റ് അഡ്വ: പി.ഗവാസ്, ആർ ശശി, രജീന്ദ്രൻ കപ്പള്ളി, കവി ശ്രീനി എടച്ചേരി, കെ.കെ മോഹൻദാസ്, കെ.പി പവിത്രൻ തുടങ്ങിയവർ പങ്കെടുക്കും.
#Communist #leader #32years #memories #P.KelappanNair #wide #range #events #Mokeri
.jfif)
