കക്കട്ടിൽ: (kuttiadi.truevisionnews.com)ശരീരത്തിൽ കമ്പി കൂടുങ്ങിയ തെരുവുനായ വേദനയാൽ പുളയുന്നത് സങ്കടക്കാഴ്ചയാവുന്നു.
രക്ഷിച്ച് കിട്ടാൻ തലങ്ങും വിലങ്ങും ഓടുകയാണ് നായ. കാലുകൾക്കും വയറിനും ഇടയിലാണ് കമ്പി കുടുങ്ങിയിരിക്കുന്നത്.
കക്കട്ടിൽ അജന്ത തിയേറ്ററിന് സമീപം കുറച്ച് ദിവസമായി നായ ഈ അവസ്ഥയിലാണ്. കമ്പി ഊരിയെടുത്ത് നായയെ രക്ഷിക്കാൻ നാട്ടുകാർ ശ്രമിച്ചെങ്കിലും വിജയിച്ചില്ല.
നായയെ പിടിക്കുന്നവരോ മൃഗസംരക്ഷണ വകുപ്പിൽ നിന്ന് ആരെങ്കിലുമോ എത്തി രക്ഷിക്കണമെന്നാണ് മൃഗസ്നേഹികളുടെയും പരിസരവാസികളുടെയും അഭ്യർഥന.
#wire #stuck #body #stray #dog #looked #sad #kakkattil
