കുറ്റ്യാടി : (kuttiadi.truevisionnews.com) സമര പോരാട്ടങ്ങളുടെ വഴിയിൽ ഊർജ്ജമാകാനും പിന്നിട്ട നാളുകൾ അപഗ്രഥിക്കാനുമായി സി.പി.ഐ എമ്മിന്റെ കുന്നുമ്മൽ ഏരിയ സമ്മേളനകൊടിമര ജാഥയ്ക്ക് വൈകീട്ട് കുണ്ടുതോടിൽ തുടക്കം.
പതാക ദിനമായ ഇന്ന് വൈകീട്ട് ആറുമണിയോടെ കുണ്ടുതോട് രക്തസാക്ഷി പാപ്പച്ചന്റെ സ്‌മൃതി മണ്ഡപത്തിൽ നിന്നും ആരംഭിക്കുന്ന കൊടിമര ജാഥ വൈകീട്ട് 7 .45 ന് കൈവേലിയിൽ സമാപിക്കും . സംഘടകസമിതി അംഗം എം.കെ ശശി ജാഥ നയിക്കും .
സിപിഐഎം ഇരുപത്തിനാലാം പാർട്ടി കോൺഗ്രസിൻറെ ഭാഗമായാണ് പാർട്ടി ഏരിയ സമ്മേളനം സംഘടിപ്പിക്കുന്നത് .
കഴിഞ്ഞു പോയ നാളുകളിലേക്ക് ഒരു തിരിഞ്ഞു നോട്ടത്തിലൂടെ പാർട്ടിക്ക് സംഭവിച്ച നേട്ടങ്ങളും കോട്ടങ്ങളും സമ്മേളനത്തിൽ ചർച്ചയാകും. പ്രത്യേകം സജ്ജമാക്കിയ എം സി കുമാരൻ മാസ്റ്റർ നഗറിൽ 23ന് പ്രതിനിധി സമ്മേളനാവും, 24 ന് എ കെ കണ്ണൻ നഗറിൽ പൊതു സമ്മേളനവും നടക്കും
നവംബർ 23,24 ദിവസങ്ങളിലായി നടക്കുന്ന സമ്മേളനത്തിൽ കക്കട്ടിൽ കെ.പി രവീന്ദ്രന്റെ സ്‌മൃതി മണ്ഡപത്തിൽ നിന്നും കുന്നുമ്മൽ ഏരിയ കമ്മിറ്റി അംഗം പി നാണു മാസ്റ്റർ പതാക ജാഥയും നയിക്കും.
#Today #flag #day #cpim #kunummal #area #conference #flag #march #today
