---
title: "യുദ്ധത്തിനെതിരെ വിദ്യാർത്ഥി ശബ്ദം; യുദ്ധ വിരുദ്ധ റാലിയും കൊളാഷ് പ്രദര്‍ശനവുമായി ആലക്കാട് എംഎല്‍പി സ്കൂൾ "
english_title: "Student voice against war; Alakkad MLP School with an anti-war rally and collage exhibition."
publisher: "kuttiadinews.in"
canonical_url: "https://kuttiadi.truevisionnews.com/news/307425/student-voice-against-war-alakkad-mlp-school-with-an-anti-war-rally-and-collage-exhibition"
published_at: "2025-08-09T12:08:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6896ed0b74775_WhatsApp_Image_2025-08-08_at_11.38.34_PM.jpeg"
keywords: []
---

# യുദ്ധത്തിനെതിരെ വിദ്യാർത്ഥി ശബ്ദം; യുദ്ധ വിരുദ്ധ റാലിയും കൊളാഷ് പ്രദര്‍ശനവുമായി ആലക്കാട് എംഎല്‍പി സ്കൂൾ 

> **Lead Summary:** **ചങ്ങരംകുളം:[ **ഹിരോഷിമയിൽ അണുബോംബ് വർഷിച്ചതിന്റെ 80-ാം വാർഷികത്തിലും ലോകത്തിന്റെ പല കോണുകളിലും യുദ്ധങ്ങൾ തുടരുമ്പോൾ, സമാധാനത്തിനായി ശബ്ദമുയർത്തി ആലക്കാട് എം.എൽ.പി. സ്കൂളിലെ വിദ്യാർത്ഥികൾ. യുദ്ധക്കൊതിയന്മാർ ചരിത്രത്തിൽ നിന്നും പാഠം ഉൾക്കൊള്ളാതെ ഗാസ, ഫലസ്തീൻ, യുക്രെയ്ൻ, സിറിയ തുടങ്ങിയ രാജ്യങ്ങളിൽ മനുഷ്യജീവൻ അപഹരിക്കുന്നത് തുടരുകയാണെന്ന് വിദ്യാർത്ഥികൾ ചൂണ്ടിക്കാട്ടി.

## Article Content

**ചങ്ങരംകുളം:[ **ഹിരോഷിമയിൽ അണുബോംബ് വർഷിച്ചതിന്റെ 80-ാം വാർഷികത്തിലും ലോകത്തിന്റെ പല കോണുകളിലും യുദ്ധങ്ങൾ തുടരുമ്പോൾ, സമാധാനത്തിനായി ശബ്ദമുയർത്തി ആലക്കാട് എം.എൽ.പി. സ്കൂളിലെ വിദ്യാർത്ഥികൾ. യുദ്ധക്കൊതിയന്മാർ ചരിത്രത്തിൽ നിന്നും പാഠം ഉൾക്കൊള്ളാതെ ഗാസ, ഫലസ്തീൻ, യുക്രെയ്ൻ, സിറിയ തുടങ്ങിയ രാജ്യങ്ങളിൽ മനുഷ്യജീവൻ അപഹരിക്കുന്നത് തുടരുകയാണെന്ന് വിദ്യാർത്ഥികൾ ചൂണ്ടിക്കാട്ടി.

'യുദ്ധം ഇന്നും' എന്ന സന്ദേശവുമായി വിദ്യാർത്ഥികൾ ചങ്ങരംകുളം പട്ടണത്തിൽ യുദ്ധവിരുദ്ധ റാലി നടത്തി. കൈകളിൽ സമാധാന സന്ദേശങ്ങൾ ആലേഖനം ചെയ്ത പ്ലക്കാർഡുകളുമായി അവർ നഗരവീഥികളിലൂടെ അണിനിരന്നു. തുടർന്ന് നടന്ന പരിപാടിയിൽ യുദ്ധത്തിന്റെ ഭീകരതയെക്കുറിച്ച് കൊളാഷ് പ്രദർശനവും പ്രസംഗങ്ങളും സംഘടിപ്പിച്ചു. ഇത് പ്രദേശവാസികളുടെ ശ്രദ്ധ ആകർഷിച്ചു.

പ്രധാനാധ്യാപകൻ എ.വി. നാസറുദ്ദീൻ, അധ്യാപകരായ ദിവ്യ കെ. ദിവാകരൻ, ജസീല ഇ, എം. ഫാത്തിമ, പ്രസീത ജി.എസ്, അൻസബ് എം, സ്കൂൾ ലീഡർ നിഷാൻ അബ്ദുള്ള എന്നിവർ പരിപാടികൾക്ക് നേതൃത്വം നൽകി. വരും തലമുറയിൽ സമാധാനത്തിന്റെ പ്രാധാന്യം ഊട്ടിയുറപ്പിക്കുക എന്ന ലക്ഷ്യത്തോടെയാണ് ഈ പരിപാടി സംഘടിപ്പിച്ചതെന്ന് പ്രധാനാധ്യാപകൻ എ.വി. നാസറുദ്ദീൻ പറഞ്ഞു.

### Related Links & Sources
- [Original Story Source](https://kuttiadi.truevisionnews.com/news/307425/student-voice-against-war-alakkad-mlp-school-with-an-anti-war-rally-and-collage-exhibition)