#Latest News #Environment Day #Haritha Karma Sena #Chelakkad LP School
ചേലക്കാട്: (kuttiadi.truevisionnews.com) ലോക പരിസ്ഥിതി ദിനാചരണത്തിന്റെ ഭാഗമായി ചേലക്കാട് എൽ.പി. സ്കൂളിൽ വേറിട്ട പരിപാടി സംഘടിപ്പിച്ചു. നാടിനെ ഹരിതാഭമായി നിലനിർത്താൻ മുൻപന്തിയിൽ നിൽക്കുന്ന ഹരിതകർമസേന വളണ്ടിയർമാരായ അനിഷ, അശ്വതി എന്നിവരെ ചടങ്ങിൽ ആദരിച്ചു. പരിസ്ഥിതി സംരക്ഷണത്തിൽ ഹരിതകർമസേന നടത്തുന്ന സേവനങ്ങളെ മുൻനിർത്തിയാണ് സ്കൂൾ അധികൃതർ ഇവരെ ആദരിച്ചത്.
സ്കൂൾ ഹെഡ്മാസ്റ്റർ ഇ. പ്രകാശൻ പരിസ്ഥിതി ദിനാചരണ പരിപാടികളുടെ ഉദ്ഘാടനം നിർവ്വഹിച്ചു. പ്ലാസ്റ്റിക് വിമുക്തവും ഹരിതാഭവുമായ ഒരു നാടിനായി ഒത്തൊരുമിച്ച് പ്രവർത്തിക്കേണ്ടതിന്റെ ആവശ്യകത അദ്ദേഹം ഉദ്ഘാടന പ്രസംഗത്തിൽ ഓർമ്മിപ്പിച്ചു.
ചടങ്ങിൽ എം.പി.ടി.എ. പ്രസിഡന്റ് ബീന ടി.പി. ആശംസകൾ നേർന്നു സംസാരിച്ചു. പരിപാടിക്ക് കൺവീനർ ദീപേന്ദു ജി. സ്വാഗതവും, സ്കൂൾ പ്രതിനിധി ശ്രീബാല നന്ദിയും രേഖപ്പെടുത്തി.
Content Highlight: Harithakarmsena volunteers honored on Environment Day
#Latest News #Environment Day #Haritha Karma Sena #Chelakkad LP School
