---
title: "ഗൃഹാങ്കണത്തിൽ കലയുടെ നിറങ്ങൾ; കക്കട്ടിലിൽ ഗോർണിക്ക ചിത്രരചന ക്യാമ്പ് ശ്രദ്ധേയമായി"
english_title: "Grihangana Chitra Rachana Camp Kakkattil: Gornica Artists Camp Kerala"
publisher: "kuttiadinews.in"
canonical_url: "https://kuttiadi.truevisionnews.com/news/375252/grihangana-chitra-rachana-camp-kakkattil-gornica-artists"
published_at: "2026-07-29T09:57:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6a6981e2e69fe_grihangana-chitra-rachana-camp-kakkattil-gornica-artists.jpg"
keywords: ["Latest News", "Gornica", "ArtCamp", "Kakkattil", "GrihanganaCamp"]
---

# ഗൃഹാങ്കണത്തിൽ കലയുടെ നിറങ്ങൾ; കക്കട്ടിലിൽ ഗോർണിക്ക ചിത്രരചന ക്യാമ്പ് ശ്രദ്ധേയമായി

> **Lead Summary:** **കക്കട്ടിൽ**:**[**പ്രാദേശിക കലാകാരന്മാരെ ഏകോപിപ്പിച്ചുകൊണ്ട് ഗോർണിക്ക പ്രോഗ്രസീവ് ആർട്ടിസ്റ്റ് കൂട്ടായ്മയുടെ നേതൃത്വത്തിൽ ഗൃഹാങ്കണ ചിത്രരചന ക്യാമ്പ് സംഘടിപ്പിച്ചു. കക്കട്ടിൽ ഏകരമ്പറത്ത് ലിതിനേഷ് മുത്തുവിന്റെ വീട്ടിലായിരുന്നു ക്യാമ്പ് നടന്നത്.

## Article Content

**കക്കട്ടിൽ**:**[**പ്രാദേശിക കലാകാരന്മാരെ ഏകോപിപ്പിച്ചുകൊണ്ട് ഗോർണിക്ക പ്രോഗ്രസീവ് ആർട്ടിസ്റ്റ് കൂട്ടായ്മയുടെ നേതൃത്വത്തിൽ ഗൃഹാങ്കണ ചിത്രരചന ക്യാമ്പ് സംഘടിപ്പിച്ചു. കക്കട്ടിൽ ഏകരമ്പറത്ത് ലിതിനേഷ് മുത്തുവിന്റെ വീട്ടിലായിരുന്നു ക്യാമ്പ് നടന്നത്.

ഒരു വീടിന്റെ ദൈനംദിന ജീവിത പശ്ചാത്തലത്തിലും സ്വാഭാവിക അന്തരീക്ഷത്തിലും കല സൃഷ്ടിക്കുക എന്ന വ്യത്യസ്തമായ ആശയമാണ് ക്യാമ്പിനെ ശ്രദ്ധേയമാക്കിയത്. വീടിന്റെ ചുവരുകൾക്കുള്ളിൽ മാത്രം ഒതുങ്ങിനിൽക്കാതെ കലയെ പൊതുജനങ്ങളിലേക്ക് നേരിട്ടെത്തിക്കുക എന്ന ലക്ഷ്യത്തോടെയാണ് ഈ വേറിട്ട സംരംഭം സംഘാടകർ ഒരുക്കിയത്.

ജില്ലയിലെ പ്രമുഖ ചിത്രകാരന്മാരായ വിപിൻ ദാസ്, ഇ.പി. സജീവൻ, ലിനീഷ് രാജ്, സന്തോഷ് വട്ടോളി, ശ്രീജിത്ത് ബോസ്കോ, ശ്രീജേഷ് നടുപ്പൊയിൽ, പവിത്രൻ കെ.ഇ., രാകേഷ് രാജ്, സുനിൽകുമാർ, സനൂപ് കോട്ടേമ്പ്രം, ശിവന്യ വീണ, ഡോ. ടി.പി. സജിത്ത്കുമാർ എന്നിവർ ക്യാമ്പിൽ പങ്കെടുത്ത് ചിത്രങ്ങൾ രചിച്ചു.

വ്യത്യസ്ത ശൈലികളും കാഴ്ചപ്പാടുകളുമുള്ള കലാകാരന്മാർ തങ്ങളുടെ ഭാവനകൾ കാൻവാസിലേക്ക് പകരുകയും പരസ്പരം ആശയങ്ങൾ പങ്കുവെക്കുകയും ചെയ്തു. പങ്കെടുത്ത കലാകാരന്മാർക്കും കണ്ടുനിന്ന നാട്ടുകാർക്കും ഒരുപോലെ പുതുമയാർന്ന കലാനുഭവമായി ഈ ക്യാമ്പ് മാറി.

### Related Links & Sources
- [Original Story Source](https://kuttiadi.truevisionnews.com/news/375252/grihangana-chitra-rachana-camp-kakkattil-gornica-artists)