സൂര്യനന്ദ് ഇന്ന് യാത്രതിരിക്കും; ഗുസ്തിമത്സരത്തിലേക്ക് ഒരു കുറ്റ്യാടിക്കാരൻ

കുറ്റ്യാടി : ത്ധാർഖണ്ഡിലെ റാഞ്ചിയിൽ നടക്കുന്ന ദേശീയ ഗുസ്തിമത്സരത്തിൽ പങ്കെടുക്കാനായി സൂര്യനന്ദ് വ്യാഴാഴ്ച യാത്രതിരിക്കും.

Also read: #sslcresults|എപ്ലസ് അതിഥി ; എസ്എസ്എൽസി ഫലത്തിൽ അതിഥി തൊഴിലാളിയുടെ വീട്ടിൽ ഒരേ സമയം സന്തോഷവും സങ്കടവും

സംസ്ഥാനതല അണ്ടർ 15 ഗുസ്തിമത്സരത്തിലെ ഗ്രീക്കോ-റോമൻ വിഭാഗത്തിൽ സ്വർണമെഡൽ കരസ്ഥമാക്കി കുറ്റ്യാടിക്ക് അഭിമാനമായി സൂര്യനന്ദ്.

ഊരത്ത് മാവുള്ളചാലിലെ കുറ്റ്യാടി പഞ്ചായത്ത് സർവീസ് സഹകരണബാങ്കിലെ നിത്യനിധി കലക്ഷൻ ഏജൻറായ എം.സി. ചന്ദ്രന്റെയും, ഷിജിയുടെയും മകനായ സൂര്യനന്ദ് ദേശീയ മത്സരത്തിൽ കേരളത്തെ പ്രതിനിധീകരിക്കും.

Also read: #TalukHospital| കുറ്റ്യാടി താലൂക്ക് ആശുപത്രി കെട്ടിട നിർമ്മാണ പ്രാരംഭ നടപടികൾ ആരംഭിച്ചു

കുറ്റ്യാടി എം.ഐ.യു.പി. സ്കൂളിൽനിന്നും ഏഴാംക്ലാസ് കഴിഞ്ഞതിനുശേഷം തിരുവനന്തപുരം ജി.വി. രാജ സ്മാരകസ്കൂളിലേക്ക് ഏട്ടാംക്ലാസിൽ പ്രവേശനം ലഭിച്ചതോടെയാണ് ഗുസ്തിയിൽ പരിശീലനം നേടുന്നത്.

സൂര്യനന്ദിനെ കെ.പി. കുഞ്ഞമ്മദ് കുട്ടി എം.­എൽ.എ., ബ്ലോക്ക് പ്രസിഡൻറ് കെ.പി. ചന്ദ്രി, പഞ്ചായത്ത് പ്രസിഡൻറ് ഒ.ടി. നഫീസ, ടി.കെ. മോഹൻദാസ്, എ.സി. അബ്ദുൾമജീദ് തുടങ്ങിയവർ അഭിനന്ദിച്ചു.

Suryanand to leave today; A culprit to wrestling