കക്കട്ടിൽ : മഴ കനത്താൽ കാറ്റൊന്ന് ആഞ്ഞ് വീശിയാൽ അപകടം ഉറപ്പാണെന്ന് നാട്ടുകാർ തലയിൽ കൈ വെച്ച് കൊണ്ട് പറയും. അപകടകെണി ഒരുക്കി വച്ചതോ വൈദ്യുതി വകുപ്പ് തന്നെ!
Also read:
ഓർമ്മകളുടെ പെരുമഴക്കാലവുമായി സൗഹൃദം -98
കുറ്റ്യാടി-നാദാപുരം സംസ്ഥാനപാതയിൽ നരിപ്പറ്റ റോഡ് കവലയ്ക്കടുത്താണ് കാൽനടയാത്രക്കാർക്കും വാഹനയാത്രികർക്കും ഭീഷണിയായി അടിഭാഗം തകർന്ന വൈദ്യുതത്തൂൺ. ഒന്നരമാസംമുമ്പ് കാറിടിച്ചുതകർന്നതാണ് പോസ്റ്റിൻ്റെ അടിഭാഗം.
ഇതിനുപകരം കോൺക്രീറ്റ് തൂൺ ഇവിടെ സ്ഥാപിച്ചിട്ടുണ്ടെങ്കിലും തകർന്ന തൂൺ മാറ്റാതെയാണ് കരാറുകാർ പോയത്.
കക്കട്ടിൽ വൈദ്യുതി സെക്‌ഷൻ ഓഫീസിലെ വിളിപ്പാടകലെയാണ് ഈ അപകടഭീഷണി ദിവസങ്ങളായി നിലനിൽക്കുന്നത്. ഒട്ടേറെ തവണ നാട്ടുകാർ അറിയിച്ചിട്ടും ഇത് മാറ്റാൻ ബന്ധപ്പെട്ടവർ തയ്യാറായിട്ടില്ലെന്നും നാട്ടുകാർ പറയുന്നു.
Danger trap; A broken power pole at the Naripatta road junction is causing panic
