---
title: "കരിങ്കൽ കോറിക്കു മുകളിൽ കയറി ആത്മഹത്യാ ഭീഷണി മുഴക്കിയ യുവാവിനെ അഗ്നിരക്ഷാസേന താഴെയിറക്കി "
english_title: "The fire brigade brought down the young man who threatened to commit suicide by climbing on top of the quarry"
publisher: "kuttiadinews.in"
canonical_url: "https://kuttiadi.truevisionnews.com/news/71794/the-fire-brigade-brought-down-the-young-man-who-threatened-to-commit-suicide-by-climbing-on-top-of-the-quarry"
published_at: "2022-09-30T18:17:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/6336e5b19f173_Untitled-1.jpg"
keywords: []
---

# കരിങ്കൽ കോറിക്കു മുകളിൽ കയറി ആത്മഹത്യാ ഭീഷണി മുഴക്കിയ യുവാവിനെ അഗ്നിരക്ഷാസേന താഴെയിറക്കി 

> **Lead Summary:** **കുറ്റ്യാടി : **കുണ്ടുതോട് കരിങ്കൽ കോറിക്കു മുകളിൽ കയറി ആത്മഹത്യാ ഭീഷണി മുഴക്കിയ യുവാവിനെ താഴെയിറക്കി നാദാപുരം അഗ്നിരക്ഷാസേന.

## Article Content

**കുറ്റ്യാടി : **കുണ്ടുതോട് കരിങ്കൽ കോറിക്കു മുകളിൽ കയറി ആത്മഹത്യാ ഭീഷണി മുഴക്കിയ യുവാവിനെ താഴെയിറക്കി നാദാപുരം അഗ്നിരക്ഷാസേന.

കാവിലും പാറ പഞ്ചായത്തിലെ കുണ്ടുതോട് കരിങ്കൽ കോറി നടത്തുന്നവർ തമ്മിലുള്ള തർക്കത്തെ തുടർന്ന്, നടത്തിപ്പുകാരിൽ ഒരാളായ രതീഷ് (40) കുന്നു വിള , കരിങ്കൽ കോറിയുടെ മുകൾ ഭാഗത്ത് കയറി ആത്മഹത്യാ ഭീഷണി മുഴക്കി ബന്ധുക്കളെയും നാട്ടുകാരെയും പരിഭ്രാന്തിയിലാക്കി.

പോലീസ് ഏറെ നേരം ശ്രമിച്ചിട്ടും പരിഹാരം കാണാൻ കഴിയാതെ വന്നപ്പോൾ, നാദാപുരം അഗ്നി രക്ഷാ സേനയെ വിളിക്കുകയും, തുടർന്ന് സ്റ്റേഷൻ ഓഫീസർ ജാഫർ സാദിക്കിന്റെ നേതൃത്വത്തിൽ സേന സംഭവസ്ഥലത്ത് എത്തുകയും ഏറെനേരത്തെ പരിശ്രമത്തിനൊടുവിൽ യുവാവിനെ അനുനയിപ്പിച്ച് താഴെ ഇറക്കി പോലീസിനെ ഏൽപ്പിച്ചു.

### Related Links & Sources
- [Original Story Source](https://kuttiadi.truevisionnews.com/news/71794/the-fire-brigade-brought-down-the-young-man-who-threatened-to-commit-suicide-by-climbing-on-top-of-the-quarry)