---
title: "#CITU  | കായക്കൊടി ഐക്കൽ താഴെ കണയംകോട് റോഡുവഴിയുള്ള നാളെമുതൽ ഓട്ടോസർവ്വീസ് നിർത്തിവെക്കും -സി. ഐ ടി. യു ഓട്ടോറിക്ഷ സെക്ഷൻ കമ്മിറ്റി"
english_title: "#Autoservice #stopped #tomorrow #Kanyamkodroad #Kayakkodi #CITU #Auto #Section #Committee"
publisher: "kuttiadinews.in"
canonical_url: "https://kuttiadi.truevisionnews.com/news/137669/autoservice-stopped-tomorrow-kanyamkodroad-kayakkodi-citu-auto-section-committee"
published_at: "2023-08-09T13:47:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/64d34d1ad7bcf_auto.jpg"
keywords: []
---

# #CITU  | കായക്കൊടി ഐക്കൽ താഴെ കണയംകോട് റോഡുവഴിയുള്ള നാളെമുതൽ ഓട്ടോസർവ്വീസ് നിർത്തിവെക്കും -സി. ഐ ടി. യു ഓട്ടോറിക്ഷ സെക്ഷൻ കമ്മിറ്റി

> **Lead Summary:** **കായക്കൊടി: ** കായക്കൊടി ഐക്കൽ താഴെ കണയംകോട് റോഡ് ഗതാഗത യോഗ്യമല്ലാത്തതിനാൽ അതുവഴിയുള്ള ഓട്ടോ സർവ്വീസ് നിർത്തിവെക്കാൻ സി. ഐ ടി. യു തീരുമാനിച്ചു . നാളെ മുതൽ അനിശ്ചിത കാലത്തേക്കാണ് സർവ്വീസ് നിർത്തി വയ്ക്കാൻ തീരുമാനിച്ചത്.

## Article Content

**കായക്കൊടി: ** കായക്കൊടി ഐക്കൽ താഴെ കണയംകോട് റോഡ് ഗതാഗത യോഗ്യമല്ലാത്തതിനാൽ അതുവഴിയുള്ള ഓട്ടോ സർവ്വീസ് നിർത്തിവെക്കാൻ സി. ഐ ടി. യു തീരുമാനിച്ചു . നാളെ മുതൽ അനിശ്ചിത കാലത്തേക്കാണ് സർവ്വീസ് നിർത്തി വയ്ക്കാൻ തീരുമാനിച്ചത്.

സി. ഐ ടി. യു ഓട്ടോറിക്ഷ സെക്ഷൻ കമ്മിറ്റി കായക്കൊടി പഞ്ചായത്ത് പ്രസിഡന്റിന് കഴിഞ്ഞ ദിവസമായിരുന്നു പരാതി നൽകിയത് . നിരവധി ആളുകൾ യാത്രയ്ക്കായി ഉപയോഗിക്കുന്ന വഴി കൂടിയായിരുന്നു ഇത്. കുണ്ടും കുഴിയും നിറഞ്ഞ റോഡിലൂടെയുള്ള യാത്ര വാഹനങ്ങൾക്ക് കേടുപാട് ഉണ്ടാക്കുന്നു.

ഇതേ തുടർന്നാണ് സി. ഐ. ടി. യു ഓട്ടോ ടാക്സി സെക്ഷൻ കമ്മിറ്റി പരാതി നൽകിയത് . ഐക്കൽ താഴെ ഭാഗത്തു ഏകദേശം ഒന്നര കീ. മി ഭാഗം തീർത്തും ഗതാഗത യോഗ്യമല്ലാത്ത അവസ്ഥയിലാണ്. അതുകൊണ്ടു തന്നെ ഈ ഭാഗത്തേക്കുള്ള സർവീസ് പൂർണമായും നിർത്തിവയ്‌ക്കേണ്ട അവസ്ഥയിലാണെന്നും പരാതിയിൽ അറിയിച്ചിരുന്നു.

### Related Links & Sources
- [Original Story Source](https://kuttiadi.truevisionnews.com/news/137669/autoservice-stopped-tomorrow-kanyamkodroad-kayakkodi-citu-auto-section-committee)