കായക്കൊടി: കായക്കൊടി പഞ്ചായത്തിലെ വിശ്രമകേന്ദ്രം കാട് കയറി നശിക്കുന്നു. ചേറ്റുവയൽ പി എച്ച് സിയോട് ചേർന്ന് ഏതാനും വർഷങ്ങൾക്കു മുമ്പാണ് കെട്ടിടം നിർമ്മിച്ചിട്ടുള്ളത്.
കെട്ടിടത്തിൻ്റെ മുൻഭാഗത്ത് റോഡിനായി ഉയരത്തിൽ മണ്ണ് വെട്ടിയെടുത്തതിനാൽ ഈ കെട്ടിടത്തിലേക്ക് ഇപ്പോൾ വഴിയുമില്ല. കുറ്റിക്കാട് വകഞ്ഞു മാറ്റി വേണം ഇവിടേക്ക് പ്രവേശിക്കാൻ.
ആളുകൾക്ക് ഉപകാരപ്പെടുന്ന സ്ഥലത്തല്ല ഈ വിശ്രമ കേന്ദ്രം നിർമ്മിച്ചത് എന്ന അഭിപ്രായവും നാട്ടുകാർക്കുണ്ട്.
കായക്കൊടി ടൗണിലോ തളീക്കര ടൗണിലോ ആയിരുന്നു ഇത്തരമൊരു വിശ്രമകേന്ദ്രം എങ്കിൽ ആളുകൾക്ക് കുറച്ചു കൂടി ഉപകാരപ്പെടുമായിരുന്നു എന്നും നാട്ടുകാർ പറയുന്നു .
#restcenter #Kayakkodi #panchayath #destroyed #forest