കുറ്റ്യാടി : (kuttiadinews.in) വേളം പഞ്ചായത്തിലെ കുറിച്ചകം വാർഡ് ഇടത് പക്ഷത്തോടൊപ്പം തന്നെ. വിജയം ബിജെപിയും യുഡിഎഫും നടത്തിയ നുണ പ്രചാരണങ്ങൾ ഭേദിച്ചെന്ന് നേതാക്കൾ. ഉപതെരഞ്ഞെടുപ്പിൽ സി പി ഐ എമ്മിലെ പി എം കുമാരൻ വിജയിച്ചു.
കുറിച്ചകം ഗവ:എൽ പി സ്കൂളിൽ ചൊവ്വാഴ്ച രാവിലെ ഏഴു മണിക്ക് തുടങ്ങിയ പോളിങ് വൈകുന്നേരത്തോടെയാണ് സജീവമായത്.എൽ ഡി എഫ് സ്ഥാനാർത്ഥിയായി സി പി ഐ എം ലെ പി എം കുമാരൻ മാസ്റ്ററും യു ഡി എഫ് സ്ഥാനാർത്ഥിയായി ലീഗിലെ ശാനിബ് ചെമ്പോടും ബി ജെ പി സ്ഥാനാർത്ഥിയായി ടി എം ഷാജുവുമാണ് മത്സരിച്ചത്.
ഇന്നലെ പൂളക്കൂൽ വേളം പഞ്ചായത്ത് എ കണാരൻ സ്മാരക കമ്മ്യൂണിറ്റി ഹാളിൽ നടന്ന വോട്ടെണ്ണലിൽ സി പി ഐ എമ്മിലെ പി എം സ്ഥാനാർഥിയായ കുമാരൻ വിജയിച്ചതായി പ്രഖ്യാപിച്ചു . ഒപ്പം വിജയിച്ച സ്ഥാനാർഥിയെ ഹാരമണിയിച്ച് എൽ ഡി എഫ് പ്രവർത്തകർ ആഹ്ലാദ പ്രകടനവും നടത്തി
With the left side as mentioned; The leaders said that victory broke the false propaganda
