---
title: "തോട് നവീകരണം; രണ്ടാംഘട്ട പ്രവർത്തി ആരംഭിച്ചു"
english_title: "trench renovation; The second phase has started"
publisher: "kuttiadinews.in"
canonical_url: "https://kuttiadi.truevisionnews.com/news/89854/trench-renovation-the-second-phase-has-started"
published_at: "2023-01-12T17:08:00+05:30"
category: "News"
language: "ml"
image: "https://cf.zdn.im/img/truevisionnews.com/0/image-uploads/63bff1d923e49_pic_suchikarnm.jpg"
keywords: []
---

# തോട് നവീകരണം; രണ്ടാംഘട്ട പ്രവർത്തി ആരംഭിച്ചു

> **Lead Summary:** **ആയഞ്ചേരി:** തോട് നവീകരണത്തിന്റെ രണ്ടാംഘട്ട പ്രവർത്തി ആരംഭിച്ചു. ആയഞ്ചേരി ഗ്രാമപഞ്ചായത്ത് 12,5 വാർഡുകളിലൂടെ കടന്നുപോകുന്ന കരുവാരി തോടിന്റെ നവീകരണ പ്രവർത്തിയുടെ രണ്ടാംഘട്ടം കടമേരി ക്ഷേത്ര കുളത്തിനടുത്ത് വച്ച് ആരംഭിച്ചു.

## Article Content

**ആയഞ്ചേരി:** തോട് നവീകരണത്തിന്റെ രണ്ടാംഘട്ട പ്രവർത്തി ആരംഭിച്ചു. ആയഞ്ചേരി ഗ്രാമപഞ്ചായത്ത് 12,5 വാർഡുകളിലൂടെ കടന്നുപോകുന്ന കരുവാരി തോടിന്റെ നവീകരണ പ്രവർത്തിയുടെ രണ്ടാംഘട്ടം കടമേരി ക്ഷേത്ര കുളത്തിനടുത്ത് വച്ച് ആരംഭിച്ചു.

ആയഞ്ചേരി ഗ്രാമപഞ്ചായത്ത് 2022-23 വാർഷിക പദ്ധതിയിൽ ഉൾപ്പെടുത്തി 17 ലക്ഷം രൂപയാണ് തോടിന് അനുവദിച്ചത്. കടമേരി വെളുത്ത പറമ്പത്ത് താഴെ മുതൽ ഒറ്റമാക്കൂൽ താഴെ വരെ ഏതാണ്ട് മൂന്നര കിലോമീറ്റർ നീളത്തിൽ ഒഴുകുന്ന ഈ തോട് പഞ്ചായത്തിലെ പ്രധാന ജലസ്രോതസ്സാണ്.

കുറ്റ്യാടി ഇറിഗേഷൻ കനാലിൽ നിന്ന് ജലം കടമേരി വഴിയെത്തിക്കുന്നത് ഈ തോട് വഴിയാണ്. പ്രദേശവാസികളുടെ കുടിവെള്ള പ്രശ്നത്തിന് പരിഹാരവും ഈ നീരൊഴുക്കാണ്.

കരുവാരി തോട്, കെട്ടി സംരക്ഷിക്കുന്നതിനാവശ്യമായ സ്ഥലമെടുപ്പ് പ്രവർത്തിക്ക് പഞ്ചായത്ത് വൈസ് പ്രസിഡണ്ട് സരള കൊള്ളിക്കാവിൽ, സ്റ്റാൻഡിങ് കമ്മിറ്റി ചെയർമാൻ ടി.വി കുഞ്ഞിരാമൻ മാസ്റ്റർ, കെ മോഹനൻ മാസ്റ്റർ, കെ.വി സജേഷ്, റഷീദ് നെരോത്ത്, സന്തോഷ് മന്നംപൊയിൽ നേതൃത്വം നൽകി.

### Related Links & Sources
- [Original Story Source](https://kuttiadi.truevisionnews.com/news/89854/trench-renovation-the-second-phase-has-started)