കുറ്റ്യാടി : തൊട്ടിൽപ്പാലം മേഖലയിൽ കോവിഡ് കുതിച്ചുയരുമ്പോഴും ബീവറേജ് മദ്യഷാപ്പ് തുറന്ന് തന്നെ.കാവിലുംമ്പാറ പഞ്ചായത്തിലെ ആറ് വാർഡുകൾ കൺടെയ്‌ൻമെന്റ് സോണായി ജില്ലാ ദുരന്തനിവാരണ അതോറിറ്റി പ്രഖ്യാപിച്ചു.
ഇന്നലെ മാത്രം 47 പോസിറ്റീവ് കേസുകളാണ് റിപ്പോർട്ട് ചെയ്തത്. പഞ്ചായത്തിലെ 1,2,7,10,13,16 വാർഡുകളാണ് കണ്ടെയിൻമെൻറ് സോണുകൾ. 16-ാം വാർഡ് കണ്ടെയിൻമെൻറ് സോണായതിനെ തുടർന്ന് തൊട്ടിൽപ്പാലം അങ്ങാടിയിൽ കടകൾ ഭാഗികമായി അടച്ചു.
ഈ വാർഡുൾപ്പെടുന്ന റോഡിന്ന് ഇടതുവശത്തെ കടകളാണ് അടച്ചിട്ടിരിക്കുന്നത്. ഒരങ്ങാടിയിലെ ഒരു ഭാഗത്തെ കടകൾ മാത്രം അടച്ച നടപടി വ്യാപാരികൾക്കിടയിൽ കടുത്ത പ്രതിഷേധത്തിനിടയാക്കി. 16-ാം വാർഡിലെ വിദേശ മദ്യഷാപ്പ് പ്രവർത്തിക്കുന്നതായും ഈ വാർഡിൽ തൊഴിലുറപ്പ് പ്രവൃത്തി നടക്കുന്നതായും ഇവർ ചൂണ്ടിക്കാട്ടുന്നു.
Alcohol does not touch; Beverage is open even in the Containment Zone
