Categories
Nattuvartha

വേളത്ത് കാർഷിക മേഖല സജീവമാക്കുന്നതിനായി ജില്ലാ പഞ്ചായത്ത് സമഗ്ര പദ്ധതിക്ക് തുടക്കമായി

വേളം: വേളം, ആയഞ്ചേരി പഞ്ചായത്തുകളിലായി വ്യാപിച്ച് കിടക്കുന്ന നെൽപാടങ്ങൾ കൃഷിയോഗ്യമാക്കുന്നതിന് സമഗ്രമായ പദ്ധതികൾ ആവിഷ്ക്കരിച്ച് ജില്ലാ പഞ്ചായത്ത്.

പദ്ധതികൾ ആവിഷ്ക്കരിച്ച് നടപ്പിലാക്കുന്നതുമായി ബന്ധപ്പെട്ട് കർഷകരുടെ അഭിപ്രായങ്ങൾ ആരായുന്നതിനായി ജില്ലാ പഞ്ചായത്ത് ക്ഷേമകാര്യ അധ്യക്ഷൻ പി.സുരേന്ദ്രൻ കേളോത്ത് താഴ യോഗം വിളിച്ചു ചേർക്കുകയും പദ്ധതികൾ ചർച്ച ചെയ്യുകയും ചെയ്തു.

ഉപ്പുവെള്ളത്തിൻ്റെ ആധിക്യം തടയുന്നതിനും, കൈത്തോടുകൾ നവീകരിക്കാനും, വയലുകളിൽ വിത്തും വളവും എത്തിക്കുന്നതിനും പദ്ധതികൾ ആവിഷ്ക്കരിച്ച് നടപ്പാക്കും.

കാർഷിക ഉൽപ്പന്നങ്ങൾ വിപണിയിലെത്തിക്കാനും, നടപ്പാതകൾ റോഡുകൾ എന്നിവ നിർമ്മിക്കുന്നതിനും, യന്ത്രവൽക്കരണം നടത്താനും, പാടശേഖര സമിതികൾ സജീവമാക്കുന്നതുൾപ്പടെയുള്ള പദ്ധതികൾക്ക് രൂപം നൽകാൻ വർക്കിംഗ് ഗ്രൂപ്പിന് രൂപം നൽകുകയും ചെയ്തു.

നാരായണിക്കുന്ന്, പാവള്ളാട്ട് വയൽ, ചെറിയാണ്ടി കുന്നുമ്മൽ താഴ പാടശേഖരങ്ങളിലെ കർഷകരുടെ ഒത്തുചേരൽ സുഭിക്ഷ കേരളം പദ്ധതി ജില്ല ചെയർമാൻ കെ.പി.കുഞ്ഞമ്മദ് കുട്ടി ഉദ്ഘാടനം ചെയ്തു.പൊന്നണ മൊയ്തു അധ്യക്ഷനായി.

പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ സുമ മലയിൽ,ബ്ലോക്ക് പഞ്ചായത്ത് അംഗം കെ.സി.മുജീബ് റഹ്മാൻ, വാർഡ് അംഗം ബീന കോട്ടേമ്മൽ, കൃഷി ഓഫീസർ ഡോ: നവീത, കെ.കെ.സുനിൽ കുമാർ തുടങ്ങിയവർ പങ്കെടുത്തു

കുറ്റ്യാടി ന്യൂസ്‌ ഫേസ്ബുക്ക്, ടെലഗ്രാം, പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

News from our Regional Network

tvnews
tvnews
tvnews
tvnews
tvnews
Kuttiadi News Live

NEWS ROUND UP